اسلام آباد۔5نومبر (اے پی پی):وفاقی وزیر انسانی حقوق ڈاکٹر شیریں مزاری آکھیے جو پوری دنیا اچ کورونا وائرس پاروں 45 ملین توں ودھ لوک متاثر تھئن، لکھاں لوکاں دیاں جاناں ضائع تھئن،کورونا دی ݙوجھی لہر شروع تھی ڳی اے ، ایں وباء عالمی معیشت، عوام اتے اقوام دی زندگی کوں روزانہ دی بنیادتے متاثر کیتے ،وزیراعظم عمران خان اسلامو فوبیا دے خلاف آواز چاوݨ کیتے مسلم ملکاں دے رہنماواں کوں خط لکھیے۔اے ڳال انھاں خمیس کوں چھیویں استنبول سکیورٹی کانفرنس نال ویڈیو لنک دے ذریعے خطاب کریندے ہوئیں آکھی اے ۔ ڈاکٹر شیریں مزاری ترکی دے شہر ازمیر اچ زلزلہ پاروں جانی و مالی ضیان تے افسوس دا اظہار کیتا اتے پاکستان دے عوام اتے حکومت ولوں ہر ممکن تعاون اتے مدد دی پیشکش کیتی ۔انہاں اکھیے اساں نی بھلیے جو ترکی دی حکومت اتے عوام پاکستان اچ 2005ءدے زلزلے اچ پاکستان دے عوام اتے حکومت نال یکجہتی دا اظہار کیتا تے ہر لحاظ نال مدد وی ݙتی۔ ۔وبا اساکوں سکھلائے جو کوئی وی بندہ اوں ویلھے تئیں محفوظ نی تھی سڳدا جݙاں تئیں سارے لوک وبا توں محفوظ نہ ہوون۔ انھاں آکھیے جو سارے لوکاں کوں وبا توں محفوظ رکھݨ ہک ٻہوں وݙا چیلنج اے ۔ جݙاں اے بحران آیا تاں ہر ملک آپݨے آپ کوں وبا توں بچاوݨ دی کوشش وچ لڳ ڳیا ۔ اوکھے ویلھے اختلافات کوں ہک پاسے رکھیندے ہوئیں ٻہوں سارے ملکاں امتیازی سلوک، نسل پرستی اتے ٻئے کمزور گروہواں دے خلاف تشدد آمیز رویہ اختیار کیتا ۔ شیریں مزاری آکھیے جو کورونا وباء دے علاوہ وی کئی چیلنجز موجود ہن، قوم پرستی، اسلامو فوبیا اتے جارحیت کوں ودھارا تھے ، اسلامو فوبیاسودھے مسلماناں دے خلاف تعصب، امتیازی سلوک اتے انتہاءپسندانہ رجحان وی ودھ ڳیا، اسلامی اتے مقدس جہیں کوں تباہ کیتا ویندا پئے ۔انہاں آکھیے جو اساݙے نبی اکرمﷺ دی توہین کیتی ویندی پئی اے ، آزادی اظہار رائے دے ناں تے قرآن پاک نذر آتش کرݨ دے واقعات رونما تھن ۔
پوری دنیا اچ کورونا وائرس پاروں 45 ملین توں ودھ لوک متاثر تھئن، لکھاں لوکاں دیاں جاناں ضائع تھئن ، وفاقی وزیر انسانی حقوق ڈاکٹر شیریں مزاری
اسلام آباد۔5نومبر (اے پی پی):وفاقی وزیر انسانی حقوق ڈاکٹر شیریں مزاری آکھیے جو پوری دنیا اچ کورونا وائرس پاروں 45 ملین توں ودھ...
مضمون کا ماخذ : سپر اسپنر
