فلسطین اتے کشمیر دے مسئلیاں دے منصفانہ حل دے بغیر خطے اچ امن نی تھی سڳدا، پاکستان اتے ایران وچال مضبوط اقتصادی تعلقات پورے خطے کیتے فائدہ مند تھی سڳدن، وزیراعظم شہباز شریف دا “ارنا” کوں خصوصی انٹرویو

اسلام آباد۔26 مئی (اے پی پی) وزیراعظم محمد شہباز شریف اڄوکی پاک بھارت جنگ اچ ایران ولوں پاکستان دی حمایت اتے کشیدگی ??ھٹ??وݨ دیاں کوششاں تے شکریہ ادا کریندیں ہ??ئی?? آکھیا جو فلسطین اتے کشمیر دے مسئلیاں دے منصفانہ حل دے بغیر خطے اچ امن نی تھی سڳدا۔ پاکستان اتے ایران وچال مضبوط اقتصادی تعلقات پورے خطے کیتے فیدہ مند تھی سڳدن۔ اساں آندے کجھ سالاں اچ مشترکہ تجارت دے حجم کوں 10 بلین ڈالر تک ودھاوݨ چاہندوں۔ ایران دے خبر رساں ادارے “ارنا” کوں ہک خصوصی انٹرویو اچ انہاں علاقائی امن کیتے تہران دی سفارت کاری دی تعریف کریندیں ہ??ئی?? آکھیا جو ڈوہاں ملکاں دی اقتصادی ترقی ہک ٻئے نال جڑی ہوئی اے اتے اساڈے وچال مضبوط تعلقات پورے خطے کیتے فیدہ مند ہن۔ واضح رہے جو وزیراعظم پاکستان ایرانی صدر ڈاکٹر مسعود پزشکیان دی سرکاری دعوت تے تہران دے سرکاری دورے تے ہن۔ شہباز شریف دا گزریل ہک سال اچ ایران دا اے ڈوجھا دورہ اے۔وزیراعظم آکھیا جو ایرانی صدر مسعود پزشکیان دی دعوت تے او ہک واری ول ایران دا دورہ کریندے پئن۔ انہاں آکھیا جو میݙی ایرانی صدر نال کئی واری ملاقات تھئی، ایندے علاوہ اساں کئی واری ٹیلی فون تے وی گالھ کیتی اے۔ تہران دے دورے دا بنیادی مقصد اڄوکی پاک بھارت تنازعے اچ ایران ولوں کشیدگی کوں ??ھٹ??وݨ دیاں کوششاں کیتے ایران دا شکریہ ادا کرݨ اے۔ وزیراعظم ایرانی وزیر خارجہ سید عباس عراقچی دی سفارتی قابلیت دی تعریف کریندیں ہ??ئی?? آکھیا جو او امن قائم کرݨ کیتے ایرانی حکام دی حمایت اتے ثالثی دی پیشکش دا شکریہ ادا کریندن جئیں کوں اساں قبول کیتا لیکن بھارت ??ست??د کر ڈتا۔وزیراعظم آکھیا جو او ایں دورے اچ ݙو پاسہ تعلقات اتے سانجھی دلچسپی دے معاملیاں تے وی تفصیلی گالھ مہاڑ کریسن۔ انہاں اسلام آباد اچ ایرانی وزیر خارجہ سید عباس عراقچی نال آپݨیاں ڈو ملاقاتاں دا حوالہ ݙیندیں ہ??ئی?? آکھیا جو سید عباس عراقچی دی سفارتی مہارت میکوں بہوں متاثر کیتے، ایرانی وزیر خارجہ وݙے چیلنجاں نال نبڑݨ اچ اپݨی مدبرانہ صلاحیت اتے دانشمندی دا مظاہرہ کیتے۔ شہباز شریف آکھیا جو پاکستان غزہ اچ جارحیت دے نتیجے اچ پیدا تھیوݨ آلی صورتحال اچ ایران دے موقف دی حما??ت کریندے۔ انہاں آکھیا جو اسلام آباد اتے تہران امت مسلمہ اتے علاقائی تعاون بارے معاملیاں تے ہک ڈوجھے د?? حمایت جاری رکھسن۔پاک ایران ڈو پاسہ تعاون بارے ایرانی صدر ابراہیم رئیسی دے اسلام آباد دورے دا حوالہ ݙیندیں ہ??ئی?? وزیراعظم آکھیا جو مرحوم ایرانی صدر سید ابراہیم رئیسی نال انہاں دی طیارہ حادثے اچ المناک شہادت توں پہلے بہترین ملاقات تھئی، جان لیوا حادثے توں پہلے انہاں پاکستان دا دورہ کیتا ہا۔ مرحوم رئیسی بہوں متاثر کن، با بصیرت اتے دور اندیش انسان ہن، میݙی انہاں نال دوستانہ گالھ مہاڑ تھی اتے اساں ڈوہاں فیصلہ کیتا جو پاک ایران تعلقات کوں اعلیٰ ترین سطح تے گھن آوݨ اتے آپسی تعاون دیاں بنیاداں کوں وسعت ڈیون۔ وزیراعظم آکھیا جو اساں کوں بہوں خوشی اے جو اج اساڈے تعلقات بہوں مضبوط اتے ??ست??کم ہن۔ پاکستان اتے ایران دی معاشی تقدیر جڑی ہوئی اے، ڈوہاں ملکاں وچال 900 کلومیٹر توں ودھ سانجھی سرحد اے اتے ڈوہاں ملکاں وچال مضبوط اقتصادی تعلقات بالخصوص سرحدی علاقیاں (صوبہ بلوچستان اتے سیستان تے بلوچستان) وچال تعاون پورے خطے کیتے فیدہ مند ثابت تھی سڳدے۔انہاں پاک ایران اقتصادی منصوبیاں کوں فروغ ڈیوݨ بارے تعاون دے کئی ایم او یوز تے دستخط دا حوالہ ݙیندیں ہ??ئی?? آکھیا جو ایندے علاوہ اساں دہشت گردی دے خلاف ڈوہاں ملکاں وچال قریبی تعاون کوں وی اہم سمجھدوں اتے اساں کوں یقین اے جو اے گالھ مہاڑ ڈوہاں ہمسایہ ملکاں وچال پائیدار اقتصادی تعلقات دی راہ ہموار کریسی۔ وزیراعظم ایران نال پائیدار اتے طویل مدتی اقتصادی تعاون دی لوڑھ تے زور ݙیندیں ہ??ئی?? آکھیا جو اساڈی مشترکہ تجارت تقریباً 3 بلین ڈالر اے جئیں اچ گزریل ترائے چار سالاں اچ نمایاں وادھا تھیے۔ انہاں آکھیا جو اساں آندے کجھ سالاں اچ مشترکہ تجارت دے حجم کوں 10 بلین ڈالر تک ودھاوݨ چاہندوں حالانکہ اساں سمجھدوں جو پاک ایران تجارتی صلاحیت ایندے توں کہیں ودھ اے۔اسلام آباد اتے تہران وچال آزادانہ تجارت دے معاہدے تے دستخط کیتے تھیوݨ والے مذاکرات دا ذکر کریندیں ہ??ئی?? شہباز شریف امید کیتی جو آندے 10 سالاں اچ ڈوہاں ملکاں وچال تجارت دا حجم نمایاں طور تے ودھسی۔ وزیراعظم ایران-امریکہ-بالواسطہ جوہری مذاکرات بارے آکھیا جو ہر مسئلے دا بہترین حل مذاکرات اتے سفارتکاری اے کیونجو ایں نال ای اساں کہیں وی تصادم اتے جنگ کوں روک سگدوں۔ انہاں آکھیا جو خطے اچ امن و امان، ترقی اتے سلامتی کوں فروغ ڈیوݨ ضروری اے، پاکستان خطے اچ امن و استحکام چاہندے اتے اساں کوں ایرانی سیاستداناں دیاں صلاحیتاں تے پورا اعتماد اے اتے امید اے جو انہاں مذاکرات توں مثبت نتائج نکلسن۔وزیراعظم مسئلہ فلسطین اتے مسئلہ کشمیر دے منصفانہ حل دی لوڑھ تے زور ݙیندیں ہ??ئی?? آکھیا جو فلسطین اتے کشمیر دے مسئلے منصفانہ اتے مکمل طور تے حل کیتے بغیر خطے اچ امن نی تھی سڳدا، مسئلہ فلسطین اتے کشمیر عوام دیاں امنگاں دے مطابق حل تھیوݨ بہوں ضروری اے۔ وزیراعظم ایران ولوں پاک-بھارت جنگ اچ ثالثی دی پیشکش تے شکریہ ادا کریندیں ہ??ئی?? آکھیا جو اے خطے اچ امن و امان اتے استحکام کوں فروغ ڈیوݨ اچ ایران دے خلوص، دانشمندی اتے دور اندیشی دا مظہر اے۔ انہاں آکھیا جو اساں جنوبی ایشیا اچ تناؤ کوں ??ھٹ??وݨ دیاں کوششاں کیتے ایران دے صدر مسعود پزشکیان اتے وزیر خارجہ سید عباس عراقچی دا وی شکریہ ادا کریندوں۔